සිත් නොසිත

සුළං සැර වරුසාවක් විඩාබර මොහොතකම හැමූ පෙර ඉදන් එන හුරුව දැනුනා තනිය තනි නොකෙරූ හිතට එබිලා මතක දෑසින් අවසරත් නොඉල්ලු... උතුරනා සෙනෙහසේ ගැඹුරම හොයාගෙන කවි සිංදු විඳිනවා විඳගන්න හැකි හිත හදවතින් ඉඩ ඉල්ලූ ප්‍රේමයක් උව අසම්මත තැන් නොවෙන්නට පෙර විමසූ පරාදයි ඒ සම්මතේ තව නිස්සාර හීනයක් පැතූ.... මතක නැති හීනයක් විලසට දුන්න ඒ හිත ගන්න හිතුනා බැඳුන තරමින් ලේසි නැති බැව් රිදෙන තරමින් දැනෙනවා... නුබ තරම් හිතක් ලෙන්ගතු හමු නොවූ භවයක් පිරවෙන්නෙ නෑ නුබෙ හිතට දුන් ඉඩ වෙනස, පතුලේ නුබ ඉන්නවා.... කවදමුත් මඟ හැරෙන්ට දෛවයෙන් ඉඩ නොඉල්ලා සමා අයදිමි දහස් වරකට දුන්න හිත ගන්න වෙනවා....

"බැදීම් " මේ ලෝකෙ තියෙන ලස්සනම වචනෙ ඒ බැඳීම තුළ ජීවත් වෙනකන්.ඉතින් ඒ බැදීම් වලට කල්ඉකුත්වෙන දවසක් අපි කාටවත් ඇතියි කියලා මම හිතන්නෙ නෑ.. මොන යක්ෂණියක් වුණත් වෙඩරු හිත් වගෙ උණුවෙන තැන් එනවා...දැනෙන පිරිමියෙක් ළඟ ජීවිතෙ විදින්න හීන දකිනවා...දඩබ්බර පිරිමි මොළකැටි වෙනවා ඒ ආදරේ හමුවේ. හැමෝම ඇරියස් වෙච්චි කතන්දර හිතින් වළදාලා ආයෙම ඉපදෙන්න හීන මවනවා.... ජීවිත මොනපිටට පෙරළුණත් දුකම වළදන ජීවිතවලට ආශිර්වාදයක් කොහෙන්ම හරි බලාපොරොත්තු වෙන්න පුළුවන්නම් කොයිතරම් දෙයක්ද ඉතිම් ... බැඳීම් හමුවේ ඇති වන හිමි වීම හා අහිමිවීම තුළ බොහෝ කාරණා යටපත් වෙලා තියෙනවා.හිමි වීම ගැන කොහොම කතා කරත් එතැන තියෙන්නේ සැනසීමක් විය යුතුයි.ඒත් ඒ අතරේ අහිමිවිම් කියන්නේ හිතට අප්‍රිය දෙයක්.ඒ තුළ ඉහළින්ම තියෙන ප්‍රතික්ෂේප වීම කියන කාරණයට මුහුණ දෙන්නේ කොහොමද ? මනුෂ්‍යයෝ විදිහට අපට දරාගන් අමාරුම දේ ප්‍රතික්ෂේප වීම කියන එක. බොහෝ විට හැම කෙනෙකුගේම ජිවිතයට සමීප දෙයක් තමයි ප්‍රතික්ෂේප වීම කියන්නේ. ඒ වගේම තම ආදරණීයන් වෙන්ව යාම දරාගන්න අමාරුම අවස්ථාවක්. විශේෂයෙන් ම පෙම්වතා, පෙම්වතිය , සැමියා බිරිඳ තමන්ව ප්‍රතික්ෂේප කරනවන...